हुतात्मा गोंडराजे शंकर शाह रघुनाथ शाह शासकीय औद्योगिक प्रशिक्षण संस्था

शासकीय औद्योगिक प्रशिक्षण संस्था (आदिवासी), किनवट ही 1 जुलै 1984 रोजी स्थापन झालेली शासकीय संस्था असून रोजगार व प्रशिक्षण महासंचालनालय (DGET) व राष्ट्रीय व्यावसायिक प्रशिक्षण परिषद (NCVT) यांच्याशी संलग्न आहे. किनवट, जि. नांदेड येथे ही संस्था अभियांत्रिकी व बिगर-अभियांत्रिकी व्यवसायांचे प्रशिक्षण देते.

1857 च्या स्वातंत्र्यसंग्रामातील थोर क्रांतिकारक गोंडराजे शंकर शाह व त्यांचे पुत्र रघुनाथ शाह — ज्यांना 18 सप्टेंबर 1857 रोजी जबलपूर येथे तोफेच्या तोंडी देऊन हौतात्म्य पत्करावे लागले — यांच्या स्मृतीप्रित्यर्थ महाराष्ट्र शासनाने 15 ऑक्टोबर 2024 रोजी या संस्थेचे नामकरण "हुतात्मा गोंडराजे शंकर शाह रघुनाथ शाह शासकीय औद्योगिक प्रशिक्षण संस्था, किनवट" असे केले.

◆ हुतात्म्यांना विनम्र अभिवादन ◆

हुतात्मा गोंडराजे शंकर शाह व रघुनाथ शाह

हौतात्म्य: 18 सप्टेंबर 1857 — जबलपूर

“1857 च्या स्वातंत्र्यसंग्रामातील थोर आदिवासी क्रांतिकारक — तोफेच्या तोंडी देऊनही ज्यांची देशभक्ती अमर राहिली. त्यांच्या त्यागाची प्रेरणा हीच आमच्या संस्थेची ओळख.”

अनुभवी निर्देशक, सुसज्ज कार्यशाळा व उद्योगाभिमुख दृष्टिकोन यांद्वारे विद्यार्थ्यांना यशस्वी होण्यासाठी तयार केले जाते. कौशल्यं बलम् — कौशल्य हीच खरी शक्ती, हे आमचे ब्रीद.